काठमाडौँ । सोमबार नेपाल वायुसेवा निगमको काठमाडौँदेखि बैंककका लागि उड्न लागेको जहाज ग्राउन्डेड भएको थियो । प्राविधिक समस्या देखिएपछि सोमबार दिउँसो १५० जना यात्रु लिएर बैंकक उड्न लागेको निगमको एयरबस ३२०, आरए ४०१ नम्बरको जहाजमा ग्राउन्डेड बन्न हन पुगेको हो। उक्त जाहाज आज साढे ११ बजे यात्रुहरु लिएर बैंककका लागि उड्ने छ ।

निगमका प्रवक्ता रमेश पौडेलका अनुसार बोर्डिङ पास भएर यात्रुहरु जहाज चढिसकेको अवस्थामा  जहाज रन वे प्रवेश गर्नै लाग्दा हाइड्रोलिकमा समस्या आएपछि रोकिन पुगेको थियो । उनले दिएको जानकारि अनुसार तत्काल जहाज चेकजाँच गर्दा बन्न नसकेको र विकल्पमा अर्को जहाज समेत नहुँदा बोर्डिङ पास भइसकेका यात्रुहरुलाई हिजो उडाउन सकिएको थिएन ।

निगमले हवाई व्यवस्था नियम अनुसार सम्पूर्ण यात्रुलाई आज होटलमा राखेको थियो भने आज मंगलवार सोही उडानमार्फत बिहानको साढे ११ बजे यात्रुहरुलाई बैंकक पठाइने पौडेलले जनाएका छन । अहिले प्राविधिक टोलीले ग्राउन्डेड भएको जहाज मर्मत गर्दैछ ।

• न्युज बहार संवाददाता