मंसिर १६, काठमाडौँ । आगामी पुस १७ गतेदेखि औपचारिक रूपमा ‘मुन्धुम ट्रेल भ्रमण वर्ष’ सुरु हुदै छ ।  यसकै तयरी सव रुप अहिले विभिन्न कामहरु भइरहेका छन । दिक्तेल जिल्ला रूपाकोट मझुवागढी नगरपालिकाले ‘मुन्धुम ट्रेल भ्रमण वर्ष– २०२५’का अवसरमा रेडपाण्डा र थार महोत्सव गर्ने जनाएको छ । महोत्सव आयोजना मुख्य उदेश्य नगरपालिका क्षेत्रभित्र पर्ने विभिन्न जङ्गलमा पाइने लोपोन्मुख जनावर रेडपाण्डा र थारको संरक्षण, प्रवर्द्धन तथा प्रचारप्रसार मुन्धुम ट्रेल भ्रमण वर्षमा घुम्न आउने पर्यटकमार्फत गर्नु हो ।

नगरप्रमुख तीर्थराज भट्टराईका अनुसार मुन्धुम ट्रेलसँग जोडिएका वडाका वडाध्यक्ष, सामुदायिक वन महासङ्घ सम्मिलित कार्यदलले महोत्सवका लागि विस्तृत अध्ययन गरी योजना बनाउने र त्यसका आधारमा महोत्सवको समय निर्धारण गरिने छ ।

भट्टराईका अनुसार मुन्धुम ट्रेल भ्रमण वर्ष–२०२५ लाई प्रभावकारी र सफल बनाउन स्थानीय तहहरूको महत्त्वपूर्ण भूमिका रहन्छ । उनले भने “हामीले भ्रमण वर्षमा घुम्न आउने पर्यटकलाई लक्षित गरेर रेडपाण्डा र थार महोत्सव आयोजना गर्ने निर्णय गरेका हौं।”

महोत्सव सफल बनाउन अहिले विशेष तयारी गरिएको छ ।

• न्युज बहार संवाददाता