माघ २९, ताप्लेजुङ । ताप्लेजुङ स्थित प्रसिद्ध
शक्तिपीठ पाथीभरामा जतिसक्दो धेरै धार्मिक पर्यटक भित्र्याउन केबलकार निर्माण
हुनुपर्ने स्थानीय तहका जनप्रतिनिधिहरुले बताएका छन् ।
उनीहरुका
अनुसार केबलकार निर्माणपछि यहाँ आउने भक्तजन एवं आन्तरिक तथा बाह्य पर्यटकका कारण
यस जिल्लाको मात्र नभएर इलाम, पाँचथर हुँदै सिङ्गो कोशी प्रदेशकै विकासमा ठूलो टेवा पुग्ने छ । यसैले
पर्यटक विकासका लागी पाथीभरामा क्षेत्रमा जति सक्दो छिटो केबलकार निर्माण गर्न
उनिहरुले माग गरेका छन ।
यहाँका
स्थानीय सरकारका प्रमुखहरुको धारणा अनुसार केबलकारसँगै यहाँ अन्य पर्यटकीय
पूर्वाधार निर्माण भए आर्थिक रुपमा समग्र जिल्लालाई फाइदा पुग्ने छ । पाथीभरामा
केबलकार निर्माण गर्न सकिएमा आन्तरिक एवं भारतीय धार्मिक पर्यटकका साथै कञ्चनजङ्घा
आधार शिविर आउने विदेशी पर्यटकको सङ्ख्या बढ्ने उनीहरुले बताएका छन् ।
अहिले यहाँ
देवीको दर्शन गर्न तथा पर्यटकका रुपमा वार्षिक तीनदेखि चार लाखसम्म धार्मिक पर्यटक
एवं तीर्थालु आउने गरेका छन भने केबलकार बनेपछि कम्तीमा १५ लाखसम्म पर्यटक यहाँ
आउने स्थानिय जन प्रतिनिधीहरुले जनाएका आकलन गरेका छन ।
- न्युज बहार संवाददाता
