पुस १२, बाँके । निकुञ्जका सूचना अधिकारी मन्दीप पंगेनीका अनुसार बाँके
राष्ट्रिय निकुञ्जमा जंगल सफारी खुला भएको छ।
बाघ
देखिने ठाउँ पहिचान गरी निकुञ्जभित्रको वनपथ वरिपरिका झाडी सफा गरेर सफारी खुला
गरिएको छ ।
निकुञ्जभित्र
निजी सवारीलाई भने प्रवेश दिइने छैन । जंगल सवारीमा एकपटकमा बढीमा १० जनाले जंगल
सफारी गर्न मिल्ने बताइएको छ ।
एक पटकका लागि सवारीधनीले दुई हजार पाँच सय रुपैयाँ शुल्क
बुझाउनुपर्ने जनाइएको छ ।
निकुञ्जमा
घुम्न आउने पर्यटकका लागि निकुञ्ज मुख्यालय ओभरी र कोहलपुरस्थित सेक्टर
कार्यालयबाट सफारी गर्नका लागि टिकटको व्यवस्था समेत मिलाइएको सूचना अधिकारी
पंगेनीले बताएका छन ।
पर्यटकले यस सफारीमार्फत निकुञ्ज क्षेत्रमा दुर्लभ पाटेबाघसहित
त्यसका आहारा प्रजातिका चौका, चित्तल, बँदेल लगायतका वन्यजन्तु अवलोकन
गर्न सक्नेछन्।
- न्युज बहार संवाददाता
