कार्तिक
२०, कोहलपुर । पहाडी जिल्लामा राँझा विमानस्थलबाट जाजरकोट र रुकुमपश्चिम भूकम्पबाट
प्रभावित भएपछि आपतकालीन उडान भइरहेका छन् । नेपाल एयरलाइन्सको जहाज र नेपाली
सेनाको हेलिकप्टरले विमानस्थलबाट शनिबारदेखि आपतकालीन उडान भरिरहेका छन् ।
नेपालगञ्ज विमानस्थल कार्यालयका अनुसार सेनाको हेलिकप्टरले जाजरकोट र रुकुमपश्चिमबाट
भूकम्पका घाइतेलाई उपचारका लागि नेपालगञ्ज ल्याउने र नेपालगञ्जबाट राहत सामग्री
बोकेर प्रभावित क्षेत्रतर्फ लैजाने गरिरहेको छ ।
सोही
क्रममा आइतबार विमानस्थलमा भारतीय वायुसेनाको जहाज अवतरण गरेको छ । ११ टन भन्दाबढी
आपतकालीन राहत सामग्री उक्त जहाजले ल्याएको थियो । उक्त जहाजमा कम्बल र सुत्ने
डस्ना, त्रिपाल, झोला तथा आवश्यक औषधि, भेन्टिलेटर, पोर्टेबललगायत सामग्री
रहेका छन् ।
भूकम्प प्रभावित जिल्लाका बस्तीसम्म उक्त जहाजले ल्याएको
आपतकालीन सामग्रीलाई सेनाको हेलिकप्टरमार्फत पुर्याइने छ । विमानस्थल कार्यालयले घाइतेको
उपचार र राहत सामग्री ढुवानीका लागि केही दिनसम्म आपतकालीन उडान भर्नुपर्ने भएकाले
विमानस्थलमा उडानको चाप रहेको जनाएको छ । अहिले दैनिक हेलिकप्टर र जहाजले घाइतेको
उद्धार र राहत सामग्री बोक्न उडान भरिरहेका छन् ।
- न्युज बहार संवाददाता
