कार्तिक १२, चितवन । वडा दशैंको समयमा चितवन राष्ट्रिय निकुञ्जले १ करोड ८५ लाख राजश्व संकलन गरेको छ।
दशैंको घटस्थापनादेखि पूर्णिमासम्म नेपाली, सार्क देश, विदेशी तथा निकुञ्जमा चल्ने जीपबाट १ करोड ८५ लाख ४४ हजार ९ सय ५० राजश्व संकलन गरेको निकुञ्जका सूचना अधिकारी गोविन्दप्रसाद तिवारीले जनाएका छन।
निकुञ्ज भ्रमणका लागि पर्यटकहरु कसरा, सौराहा, माडी, मेघौली, कुजौली र अमलटारी (नवलपरासी) बाट जीप तथा जाने गर्दछन् । यो अवधिमा सार्क देशका ७७९, नेपाली १३ हजार २ सय ३३ र विदेशी ६ हजार ४८ गरी २० हजार ६० पर्यटकले निकुञ्ज भ्रमण गरेको सूचना अधिकारी तिवारीले बताएका छन ।
७३७ पटक पर्यटक बोक्ने जीप निकुञ्ज भित्र प्रवेश गरेका थिए । जीपबाट मात्रै निकुञ्जले ३६ लाख ८५ हजार राजश्व संकलन गरेको छ । सौराहा सेक्टरबाट निकुञ्ज भ्रमण गर्नेमा सबैभन्दा बढी पर्यटक छन् । निकुञ्ज भ्रमणमा यहाँबाट मात्रै १७ हजार ६ सय ३७ पर्यटकले गएका थिए ।
- न्युज बहार संवाददाता
