पुस २, दमौली । बन्दीपुर भ्रमण वर्ष २०२५ सफल बनाउन बन्दीपुर गाउँपालिकाले प्रचारप्रसार र प्रवर्द्धन सुरु गरिसकेको   छ । पालिकाले बन्दीपुर भ्रमण वर्ष सफल पारी पर्यटन प्रवर्द्धन गर्ने उद्देश्यले अभियान सञ्चालन गरेको हो । गाउँपालिकाका अध्यक्षका अनुसार काठमाडौँमा विभिन्न सङ्घसंस्था, प्रतिष्ठित व्यक्तिहरूसँग गाउँपालिकाको नेतृत्वमा भेटघाट गरी भ्रमण वर्ष सफल बनाउन छलफल गरिएको छ । 

पालिकाका अध्यक्षको नेतृत्वमा उपाध्यक्ष सहितको प्रतिनिधिको टोली काठमाडौँ पुगेका छन । अध्यक्ष थापाका अनुसार काठमाडौँमा विभिन्न तहका व्यक्ति, सङ्घसंस्थाका प्रतिनिधिलगायत व्यत्तिसँग अन्तरक्रिया गर्नुका साथै भ्रमण वर्षको प्रचारप्रसार गरी पर्यटन प्रवर्द्धन गर्न सहयोगका लागि अनुरोध गरिएको छ । अध्यक्षले बन्दीपुरलाई देश तथा विदेशमा परिचित गराउन उक्त वर्षभरि यहाँ पर्यटन प्रवर्द्धनसम्बन्धी विभिन्न कार्यक्रम सञ्चालन गरिने बताएका छन  ।

• न्युज बहार संवाददाता