पुस ४, नवलपरासी
। ७२ हजार पर्यटकले चितवन राष्ट्रिय निकुञ्जको भ्रमण गरेका छन । ७२ हजार पर्यटकले निकुञ्जको
भ्रमण गर्दा रु १० करोड बढी राजस्व रकम सङ्कलन भएको जानकारी प्राप्त भएको छ । ७२
हजार चार सय ६१ जनाले चालु आर्थिक वर्षको साउनदेखि मङ्सिरसम्म निकुञ्ज भ्रमण गरेका
जनाइएको छ ।
निकुञ्जका सूचना अधिकारी एवं संरक्षण अधिकृत अविनाश थापामगरका अनुसार निकुञ्ज
घुम्नेमा सबैभन्दा बढी विदेशी पर्यटक रहेका छन । ३३ हजार
सात सय ३० जना विदेशी पर्यटकले निकुञ्ज घूमेका छन ।
यस अवधिमा पाँच हजार आठ सय ५१ जना दक्षिण एसियाली क्षेत्रीय
सहयोग संगठन (सार्क) मुलुकका पर्यटक तथा ३२ हजार आठ सय ८० नेपालीले निकुञ्ज
भ्रमण गरेका छन् ।
सूचना अधिकारीका अनुसार निकुञ्ज
घुम्न आएका आन्तरिक तथा बाह्य पर्यटकबाट निकुञ्ज प्रवेश शुल्कबापत पाँच
महिनाको अवधिमा रु १० करोड ६७ लाख एक हजार नौ सय राजस्व सङ्कलन भएको छ ।
- न्युज बहार संवाददाता
