चैत २२, काठमाडौँ । '१९औं फेवा नयाँ वर्ष महोत्सव
२०८१' नेपाली नयाँ वर्षमा हुने भएको छ।
यही चैत
२९ गतेदेखि वैशाख १ गतेसम्म महोत्सव हुन लागेको होटल संघ पोखराले जनाएको छ । पर्यटन
बोर्ड र पोखरा महानगरले महोत्सवलाई प्रवर्द्धन गरेका हुन ।
संघ
अनुसार फेवातालको किनारस्थित ड्यामसाइड चोकदेखि खहरेचोकसम्मको सडकमा विविध
सांस्कृतिक कार्यक्रम सहित महोत्सव हुने छ।
संघका
अध्यक्ष लक्ष्मण सुवेदीका अनुसार 'पर्यटन संस्कृति र खाना' भन्ने नाराका साथ नेपाली मौलिक
संस्कृतिको संरक्षण र परम्परागत नेपाली खानाको प्रवर्द्धन गर्ने मुख्य उद्देश्यले
महोत्सव आयोजना गर्न लागिएको हो ।
संघ
मातहतका होटलहरूले महोत्सवको अवसरमा दररेटमा २० प्रतिशतसम्म छुटको घोषणा गरेको छन ।
२१ वटा
विभिन्न समिति गठन गरी महोत्सव तयारीका लागि एरिया संयोजक समेत तोकिएको छ भने आन्तरिक र विदेशी गरी करिब तीन लाख पर्यटक महोत्सव हेर्न
आउने अनुमान गरिएको छ ।
- न्युज बहार संवाददाता
