काठमाडौँ
। राष्ट्रपतिमा नेपाली कांग्रेसका उम्मेदवारलाई समर्थन गर्ने प्रधानमन्त्री
पुष्पकमल दाहाल प्रचण्डले निर्णय गरेका छन। । राष्ट्रपतिमा नेपाली कांग्रेसको साथ
दिने निर्णय पछी प्रधानमन्त्रीले आजैबाट नयाँ राजनीतिक यात्राको सुरुवात भएको
बताएका छन् । सरकारको नेतृत्व गरिरहेको माओवादी केन्द्र र प्रतिपक्षमा रहेका
नेपाली कांग्रेससहितका ८ दलले नयाँ गठबन्धन बनाएका छन् र, राष्ट्रपतिमा कांग्रेस
उम्मेदवारलाई समर्थन गर्ने निर्णय गरेका छन् ।
आज बालुवाटारमा
माओवादी, कांग्रेस, एकीकृत समाजवादी, लोसपा, जनता समाजवादी, जनमत नागरिक उन्मुक्ति र जनमत
पार्टीबीचको छलफलमा राष्ट्रपतिमा कांग्रेसलाई समर्थन गर्ने प्रस्ताव राख्दै
प्रचण्डले सो कुरा बताएका हुन् । प्रधानमन्त्री प्रचण्डको यस प्रस्तावमा आठवटै
दलले सहमति जनाएका थिए ।
शुक्रबार
साँझ बसेको ८ दलको बैठकमा प्रधमनमन्त्री पुष्पकमल दाहाल प्रचण्डले संसदको सबैभन्दा
ठूलो दल कांग्रेसलाई राष्ट्रपतिको चुनावमा समर्थन गर्ने प्रस्ताव राखेका थिए । यो
नयाँ राजनीतिक यात्रा सुरुवात हुने उनको तर्क थियो ।
एकीकृत
समाजवादीका प्रमुख सचेतक प्रकाश ज्वाला भन्छन्, ‘राष्ट्रपतिको निर्वाचनमा नेपाली
कांग्रेसको उम्मेदवारलाई समर्थन गर्ने टुंगो लागेको छ । उम्मेदवारका सन्दर्भमा भोलि
सम्म कांग्रेसले निर्णय गर्छ ।’
