जेठ
२८, काठमाडौँ । जिल्ला प्रशासन कार्यालय काठमाडौँले आवश्यक अनुमति नलिई सार्वजनिक
स्थानमा ठूला पर्दा जडान गरेर विश्वकप फुटबलका खेलहरू देखाउन नपाइने जनाएको छ।
प्रशासनका अनुसार विश्वकपका खेलहरू
सामूहिक रूपमा प्रत्यक्ष प्रसारण गर्न चाहने सङ्घसंस्था, व्यवसायिक प्रतिष्ठान वा अन्य
आयोजकहरूले सम्बन्धित निकायबाट पूर्वस्वीकृति लिनुपर्नेछ।
बिहीबार जारी गरिएको
सूचनामा रातिको समयमा खेल प्रदर्शनको नाममा अनावश्यक भीडभाड सिर्जना गरी सार्वजनिक
शान्ति, सुरक्षा तथा समुदायको
दैनिक जीवनमा असर पुग्ने गतिविधि नगर्न आग्रह गरिएको छ। प्रशासनले नियम पालना गरी
मात्र यस्ता कार्यक्रम सञ्चालन गर्न सम्बन्धित पक्षहरूलाई सचेत समेत गराएको छ।
- न्युज बहार संवाददाता
