माघ ७, काठमाडौँ । संसद् सचिवालयबाट लिएको उपचार खर्च फिर्ता गर्ने
घोषणा राष्ट्रिय स्वतन्त्र पार्टीका सांसद असीम शाहले गरेका छन् ।
उनले यसको
घोषणा सामाजिक
सञ्जालमार्फत गर्दै आफूले बिरामी भई सदनमा अनुपस्थित भएको बेला
प्रमाणस्वरुप अस्पतालमा जाँच गरेको रिपोर्ट बिल पेस गरेको तर भरपाई पैसा नमागेको
दाबी गरेका छन् ।
सांसद
शाहले सामाजिक सञ्जालमा यसबारे यस्तो
लखेका छन्– ‘सदनमा बिरामी भई अनुपस्थित
हुनेले प्रमाण स्वरूप जाँचेको रिपोर्ट बिल बुझाउन पर्ने प्रक्रियागत कुरा हो, त्यो प्रक्रिया इमानदारीपूर्वक
पुरा गरेको हुँ । भरपाई पैसा मागेको पनि होइन र सांसदको तलब खातामा हाल्दिएको कुरा
पनि थाहा छैन, पत्ता लगाइ दिएर सहयोग गरी दिनु हुने मिडियालाई धन्यवाद । भोलि
बैंक स्टेटमेन्ट चेक गर्छु र ४९४२ जम्मा भएको रहेछ भने पनि राज्यलाई फिर्ता गर्ने
छु । संसदमा नयाँ हुनुका दुःख पनि अनेक छन् है । कुरो यत्ति हो। प्रश्नका लागि
धन्यवाद ।’
- न्युज बहार संवाददाता
