असार ९, काठमाडौँ । पशुपति क्षेत्रसँग सम्बन्धित विषयमा अख्तियार दुरुपयोग अनुसन्धान आयोगको अनुसन्धानले आफूलाई निर्दोष प्रमाणित गरिसकेको नेपाल कम्युनिस्ट पार्टी (माओवादी केन्द्र) का नेता तथा पूर्व संस्कृति, पर्यटन तथा नागरिक उड्डयन मन्त्री सुदन किरातीले बताएका छन्।
उनले आज सोमबार
सामाजिक सञ्जाल फेसबुकमार्फत अनुसन्धान सकिँदा पनि आफ्नो तस्बिर जोडेर बदनाम गर्ने
प्रयास भइरहेको भन्दै असन्तुष्टि समेत पोखेका छन ।
यस
विषयमा किरातीले आफ्नो फेसबुक पोस्टमा लेखेका छन्, 'पशुपतिको विषयमा अख्तियारको
अनुसन्धानबाटै म निर्दोष छु भन्ने कुरा प्रमाणित भइसक्यो,
अझै पनि
सामाजिक सञ्जालहरूमा मेरो फोटो टाँसेर मलाई बदनाम गर्न खोज्नेहरूप्रति दया लाग्छ।'
- न्युज बहार संवाददाता
