मंसिर ६, काठमाडौँ । अमेरिकी डलरको विनिमय दर आज बुधबार हालसम्मकै उच्च भएको छ।

आज बुधबारको लागि एक अमेरिकी डलरको खरिददर १३३ रुपैयाँ ०८ पैसा र बिक्रीदर १३३ रुपैयाँ ६८ पैसा तोकिएको छ। अमेरिकी डलरको यो मूल्य हाल सम्मकै उच्च हो।

आज युरोपियन युरो एकको खरिदमा भने १४५ रुपैयाँ ६२ पैसा र बिक्रीमा १४६ रुपैयाँ २७ पैसा पाइने नेपाल राष्ट्र बैंकले जनाएको छ ।

यसदिन क्यानेडियन डलर एकको खरिदमा ९७ रुपैयाँ ०८ पैसा र बिक्रीमा ९७ रुपैयाँ ५२ पैसा पाइने छ भने आज अष्ट्रेलियन डलर एकको खरिदमा ८७ रुपैयाँ ३९ पैसा र बिक्रीमा ८७ रुपैयाँ ७९ पैसा तोकिएको छ।

नेपाल राष्ट्र बैंकले आज कतारी रियाल एकको खरिदमा ३६ रुपैयाँ ५१ पैसा र बिक्रीमा ३६ रुपैयाँ ६७ पैसा पाइने जनाएको छ भने बेलायती पाउण्ड स्टर्लिङ एकको खरिददर आज १६६ रुपैयाँ ७७ पैसा र बिक्रीदर १६७ रुपैयाँ ५२ पैसा तोकेको छ ।

आज युएई दिराम एकको खरिदमा ३६ रुपैयाँ २३ पैसा र बिक्रीमा ३६ रुपैयाँ ४० पैसा पाइनेछ। साउदी अरेबियन रियाल एकको खरिददर आज राष्ट्र बैंकले ३५ रुपैयाँ ४८ पैसा र बिक्रीदर ३५ रुपैयाँ ६४ पैसा तोकेको छ ।

बुधबार कुवेती दिनार एकको खरिदमा ४३२ रुपैयाँ ०५ पैसा र बिक्रीमा ४३४ रुपैयाँ पाइनेछ। यस दिन मलेसियन रिंगिट एकको खरिदमा २८ रुपैयाँ ६०  पैसा र बिक्रीमा २८ रुपैयाँ ७३ पैसा पाइनेछ।

आज बुधबार बहराइन दिनार एकको खरिददर ३५३ रुपैयाँ ०१ पैसा र बिक्रीदर ३५४ रुपैयाँ ६० पैसा तोकिएको छ।

• न्युज बहार संवाददाता