भदौ
१३, काठमाडौँ । चाडपर्व नजिकिँदै जाँदा व्यापारीहरूले खानेतेलको
मूल्यमा वृद्धि गरेका छन्। विशेषगरी थोक
व्यापारीहरूले प्रतिलिटर १० देखि १५ रुपैयाँसम्म तेलको मूल्य बढाएका छन्।
नेपाल खुद्रा व्यापार संघका पूर्वअध्यक्ष पवित्र बज्राचार्यका अनुसार अहिले थोकमा खानेतेलको मूल्य प्रतिलिटर १० देखि १५ रुपैयाँले बढेको हो । चाडपर्वको बेला थोक मूल्य बढ्दा त्यसको सिधा असर उपभोक्तामा पर्न जाने उनले बताएका छन ।
उनका अनुसार थोक मूल्य बढेकाले तेल खुद्रा पसलमा पुग्दा अझै महँगो हुने सम्भावना छ। हाल खुद्रामा सूर्यमुखी तेलको मूल्य प्रतिलिटर २४० रुपैयाँ पर्छ। तर केही व्यापारीहरूले उपभोक्ताबाट प्रतिलिटर २६० रुपैयाँसम्म लिइरहेका छन्।
- न्युज बहार संवाददाता
