पुस १४, काठमाडौँ । काठमाडौँको भृकुटीमण्डपमा भोली पुस १५ गते सोमबार च्याउ मेला आयोजना हुने भएको छ।
च्याउ
उत्पादक किसान संघ, नेपालले राष्ट्रिय
च्याउ दिवसको अवसर पारेर च्याउ मेला आयोजना गर्न लागेको हो।
संघका
अनुसार युवालाई च्याउ उत्पादनमा प्रोत्साहन गर्न उक्त मेला आयोजना गर्न लागिएको हो
।
एकदिने
च्याउ मेला बिहान १० बजेदेखि बेलुका पाँच बजेसम्म चल्ने र मेलामा ४० वटा स्टल रहने संघले
जनाएको छ ।
मेलामा भिन्न-भिन्न प्रकारका च्याउ उत्पादनका
लागि आवश्यक वस्तुहरूको पनि प्रदर्शनी गरिने छ। अवलोकनकर्ताहरूले मेलामा विभिन्न
प्रकारका च्याउ किन्न पाउनुका साथै च्याउका परिकारहरूको पनि स्वाद लिन सक्ने
जनाइएको छ ।
साथै मेलामा राष्ट्रिय कलाकारहरूको पनि उपस्थिति रहने र विशेष सांस्कृतिक कार्यक्रम समेत आयोजना हुने छ ।
- न्युज बहार संवाददाता
