फागुन १, काठमाडौँ। नेपालीहरु माझ अर्को
प्रमुख दिन महाशिवरात्रि आउँदै छ । पशुपतिनाथ क्षेत्र महाशिवरात्रि नजिकिँदै गर्दा
महाशिवरात्रिको तयारी स्वरुप विभिन्न कार्यहरु भइरहेको छ । यतिबेला पशुपतिनाथको मूल
मन्दिर र आसपासका मन्दिरमा रङ्गरोगन र मर्मतसम्भार कार्य भइरहेको छ । रङ्गरोगन पछी
मन्दिर परिसर चिरिच्याट्ट देखिएको छ ।
त्यस्तै पशुपति
क्षेत्र परिसरका अन्य सम्पदामा पनि रङ्गरोगन गरिएको छ । मन्दिर तथा आसपासमा
वेदरकोट प्राइमर लगाइ पर्खालमा रातो रङ लगाइएको छ । वर्ष भरमा पशुपति क्षेत्रमा मनाइने
पर्वमध्ये महाशिवरात्रि पनि एक महत्वपूर्ण पर्व हो ।
पशुपति क्षेत्र विकास कोषले महाशिवरात्रिको तयारीका लागि एक हप्ता अगाडिदेखि नै विशेष
सफाइ पनि सुरु गरिसकेको छ । कोषका प्रवक्ता रेवतीरमण अधिकारीका अनुसार महाशिवरात्रिको
तयारीका लागि संस्कृति, पर्यटन तथा
नागरिक उड्डयनमन्त्री बद्री पाण्डेको संयोजकत्वमा मूल समारोह समिति गठन गरिएको छ ।
- न्युज बहार संवाददाता
