जेठ २२, काठमाडौँ । टी –२० विश्वकप अन्तर्गत मंगलबार राति
हुने नेपाल र नेदरल्याण्ड्सबीचको खेल काठमाडौँ महानगरपालिकाले तीन ठाउँबाट
प्रत्यक्ष प्रशारण हेर्न व्यवस्था गरेको छ ।
महानगरले
काठमाडौँको टुँडिखेल तीनकुने र हाँडीगाउँमा ठूलो
पर्दामा प्रत्यक्ष प्रशारण हेर्न मिल्ने व्यवस्था गरेको हो ।
महानगरका
अनुसार खेल हेर्नका लागि टुँडिखेलमा ३० बाई १८ फिटको एलईडी स्क्रिन राखिने छ । ओपन
डोर्स इन्टरटेनमेन्टको सहआयोजना र खेलकुद मन्त्रालयको सहकार्यमा महानगरपालिकाले प्रत्यक्ष
प्रसारण हेर्न मिल्ने गराएको हो ।
ओपन डोर
इन्टरटेनमेन्टले मेयर बालेन शाह पनि टुँडिखेलमा हुने प्रत्यक्ष प्रशारणमा सहभागी
हुने जनाएको छ । खेल सुरु हुनुअगाडि टुँडिखेलमा इन्दिरा जोशी, महेश काफ्ले, रचना रिमाल र ब्योमा अधिकारीको सांगीतिक
प्रस्तुति पनि रहने छ ।
- न्युज बहार संवाददाता
