भदौ ६, काठमाडौँ । आगामी भदौ १० गते सन्दीप लामिछानेको मुद्दाको सुनुवाइ हुने भएको छ । आगामी आइतबारका भदौ १० गते लागि पेसी तोकिएको काठमाडौँ जिल्ला अदालत श्रोतले उल्लेख गरेको छ ।
अदालतले यसअघि माग भएको कागपत्र अदालतमा प्राप्त भइसकेकोले आगामी आइतबारका लागि पेसीमा राखेको हो । तर अदालतको पेसी भने साप्ताहिक शुक्रवार मात्रै प्रकाशन हुने जनाइएको छ ।
यसैबीच आइतबार सन्दीप लामिछानेको मुद्दाको टुङ्गो नलागेमा वा सन्दिपले सफाई पाएको अवस्थामा भदौ १० गते आइतबार राति नै उनी पाकिस्तान जाने तयारी रहेको छ ।
फैसला भई सफाई पाएमा वा सुनुवाइ नभएमा
सोही दिन सन्दीप एशिया कप खेल्न पाकिस्तान जाने तयारी गरिएको लामिछानेका एक कानुन व्यवसायीले जनाएका छन ।
यस बारे अदालत र क्यान दुबै सँग कुराकानी भइरहेको उनले उल्लेख गरेका छन ।
- न्युज बहार संवाददाता
