साउन २४, काठमाडौँ । नेपाली राष्ट्रिय क्रिकेट टिमले पाकिस्तानको कराँचीमा एसिया कपको अन्तिम तयारी गर्ने भएको छ।
पाकिस्तानको समा न्युजले एसिया कपको पहिलो खेल पाकिस्तानसँग खेल्नुअघि नेपाली टिम आठ दिन अघि नै पाकिस्तानको कराँची पुग्ने भएको उल्लेख गरेको छ।
पाकिस्तान क्रिकेट बोर्ड (पिसिबी) लाई नेपाल क्रिकेट संघ (क्यान) ले नेपाली टिमलाई एसिया कपअघि पाकिस्तानमा अभ्यास गराउने व्यवस्था मिलाइदिन अनुरोध गरेको थियो।
सोही अनुरोधलाई पिसिबीले स्विकार गर्दै नेपाली टिमलाई कराँचीमा अभ्यास गराउने व्यवस्था मिलाएको हो।
अभ्यास खेल खेल्ने भएपछी भदौ ५ मा नेपाली टिम कराँची पुग्ने र भदौ ९ सम्म कराँचीमा अभ्यास खेल र प्रशिक्षण गर्नेछ कार्यतालिका बनेको छ।
- न्युज बहार संवाददाता
