भदौ
१२, काठमाडौँ । एसिया कपमा खेल भोली (बुधबार) बाट सुरु हुन गइरहेको छ । नेपालले एसिया
कपमा डेब्यू गर्दै गर्दा भोली विश्वको नम्बर एक टिम पाकिस्तानसँग उद्घाटन खेल
खेल्नेछ।
नेपालको
लामो समयदेखि पाकिस्तानसँग खेल्ने लक्ष्य भोलीको पाकिस्तानको मुल्तानमा हुने
खेलमार्फत् पूरा गर्दैछ। नेपाली समयअनुसार दिउँसोको सवा तीन बजे खेल हुँदैछ।
आइसिसी
वरीयता अनुसार पाकिस्तान हाल नम्बर एक टिम हो। भर्खरै भएको अफगानिस्तानविरूद्धको
तीन खेलको एकदिवसीय सिरिज ३-० ले क्लिनस्विप गरेपछि पाकिस्तान विश्वको नम्बर एक
टिम बनेको हो ।
नेपालले अन्तर्राष्ट्रिय क्रिकेट खेल्न थालेको २७ वर्षपछि भने बल्ल पाकिस्तान र भारतसँग पहिलोपटक प्रतिस्पर्धा गर्ने अवसर पाएको छ ।
एसिया कप २०२३ का खेलहरु ५० ओभरको हुनेछन् भने सन् २०१८ पछि पहिलोपटक ५० ओभरको एसिया कप अहिले हुन लागेको हो।
- न्युज बहार संवाददाता
