असार १६, काठमाडौँ । कुवेत साफ च्याम्पियनसिप २०२३ को फाइनलमा प्रवेश गरेको छ।
भारतमा जारी साफ च्याम्पियनसिप २०२३ को सेमिफाइनल खेलमा आज बंगलादेशलाई अतिरिक्त समयमा पराजित गर्दै आमन्त्रित टोली कुवेत फाइनलमा प्रवेश गरेको हो ।
आज शनिबार भारतको बेंगलुरुस्थित कान्तिराव स्टेडियममा भएको पहिलो सेमिफाइनलमा बंगलादेशलाई कुवेतले १-० ले पराजित गरेको हो ।
शनिबारै हुने भारत र लेबनाबीचको दोस्रो सेमिफाइनलको विजेतासँग कुवेतले अब फाइनलमा प्रतिस्पर्धा गर्नेछ ।
नेपाली समय अनुसार भारत र लेबनाबीचको खेल राति पौने ८ बजे सुरु हुनेछ ।
- न्युज बहार संवाददाता
