कार्तिक ८, काठमाडौँ । अष्ट्रेलियाले डेभिड वार्नर र ग्लेन म्याक्सवेलको शतकको मदतमा विश्वकप
क्रिकेटमा नेदरल्याण्ड्सलाई ४०० रनको विशाल लक्ष्य दिएको छ ।
अष्ट्रेलियाले आज बुधबार भारतको दिल्लीमा टस जितेर
पहिले ब्याटिङ गरेकोमा निर्धारित
५० ओभरमा आफ्नो ८ विकेट
गुमाएर ३९९ रन बनाउन सफल भएको हो ।
अष्ट्रेलियाका लागी वार्नर र स्टिभ स्मिथले दोस्रो विकेटमा १३२ रनको साझेदारी गरेका छन ।
पावर प्ले
सुरु गर्नुअघि अष्ट्रेलियाको स्कोर २६८-५ थियो भने म्याक्सवेलले विस्फोटक ब्याटिङ गर्दै ४४ बलमा १०६ रन बनाएपछि
अष्ट्रेलियाले ३९९ रन बनाएको हो ।
म्याक्सवेलले आज ४० बलमा १०० रन पुरा गरि विश्वकपमा सबभन्दा कम बलमा शतकको रेकर्ड
बनाएका छन ।
यसअघि यो रेकर्ड दक्षिण अफ्रिकाका एडिन मार्करमको नाममा थियो । मार्करमले श्रीलंकासँगको खेलमा ४९ बलमा शतक पुरा गरेका थिए । म्याक्सवेलले
मार्करमको रेकर्ड १८ दिनमै तोडेका छन ।
- न्युज बहार संवाददाता
