मंसिर २४, काठमाडौँ । आज एसीसी यू–१९ एसिया कपमा नेपाली टिमले अफगानिस्तानको सामना गर्दै छ। दुवै टिमलाई प्रतियोगिताको सेमिफाइनल पुग्ने सम्भावनालाई कायम राख्न आज जित्नै पर्ने दबाब रहेको छ ।
प्रतियोगिताको पहिलो खेलमा अफगानिस्तान भारतसँग सात विकेटले पराजित हुँदा नेपाल पनि पाकिस्तानसँग सात विकेटले नै पराजित भएको थियो ।
आजको खेल दुबईस्थित आईसीसी एकेडेमी ओभल–२ मा नेपाली समयअनुसार बिहान ११:१५ बजेदेखि सुरु हुनेछ ।
समूह चरणको अन्तिम खेलमा नेपालले मंसिर २६ गते मंगलबार भारतसँग खेल्नेछ ।
- न्युज बहार संवाददाता
