असोज २०, काठमाडौँ । परिवारसहित वरिष्ठ कलाकार मदनकृष्ण श्रेष्ठले ‘मदनकृष्ण मुड’मा प्रस्तुती दिएकका छन। शुक्रबार पाठशाला नेपालको सहकार्यमा सिस्नुपानी नेपालले आयोजना गरेको ‘मदनकृष्ण मुड’ थापागाउँस्थित पाठशाला स्कुलको मदनकृष्ण नाट्यशालामा उनले प्रस्तुति दिएका हुन्।
पारिवारिक साङ्गीतिक साधनाको प्रस्तुति एवम् श्रेष्ठको स्वास्थ्यलाभको कामनामा जहाँ उनले आफ्ना हिट र कालजयी गीतहरू प्रस्तुत गरेका थिए।
यस प्रस्तुतीमा पूर्वप्रधानमन्त्रीद्वय बाबुराम भट्टराई, केपी शर्मा ओली तथा संस्कृति, पर्यटन तथा नागरिक उड्डयनमन्त्री सुदन किराती, नेपाली कांग्रेसमा महामन्त्रीद्वय विश्वप्रकाश शर्मा र गगन थापा लगायत संवैधानिक अंगका विशिष्ट व्यक्ति, डा.सन्दुक रुइतलगायत अन्य व्यक्तिहरू श्रेष्ठमा गीत सुन्न प्रेक्षालयमा उपस्थित भएका थिए।
‘मदनकृष्ण मुड’ मा श्रेष्ठले आफ्ना चर्चित गीतहरू खोला वारी खोलापारी, अरबौँ मान्छेहरूमा, हे भगवान्, एउटै सपना छ, फूलबुट्टे सारी लगायतका गीतहरू प्रस्तुत गरेका थिए । मञ्चमा श्रेष्ठलाई साथ दिन उपस्थित उनका छोरा यमन श्रेष्ठ र छोरी सराना श्रेष्ठले पनि कालजयी गीत प्रस्तुत गरेका थिए । तीनै जनाले य थरी बाजा गीत सामूहिक प्रस्तुत पनि गरे।
- न्युज बहार संवाददाता
