असोज १५, काठमाडौँ । हाजिर जमानीमा अभिनेता अनमोल केसी हिरासत मुक्त भएका छन । जिल्ला प्रहरी परिसर काठमाडौँका एसपी कुमोध ढुंगेलले शुक्रबार पक्राउ गरिएका केसीलाई बोलाउँदा उपस्थित हुनेगरी रिहा गर्ने निर्णय भएको बताएका छन ।
प्रहरीले अनमोलविरुद्ध आपराधिक विश्वासघात कसुरमा अनुसन्धान गरिरहेको छ । जिल्ला अदालत काठमाडौँले आइतबार ३ दिन हिरासतमा राख्न अनुमति दिएको थियो ।
हिजो आइतबार नै ३ दिन पुरा भएको र आज सोमबार अदालत लैजानुपर्ने अवस्था रहेकोमा प्रहरीले उनलाई त्यसअघि नै रिहा गर्ने निर्णय गरेको छ । जिम्मा जमानीमा छाड्ने अनुसन्धान अधिकृतको निर्णयसँगै उनी आइतबार रातीनै जिल्ला प्रहरी परिसर टेकुबाट रिहा भएका हुन् ।
- न्युज बहार संवाददाता
