कार्तिक १३, काठमाडौँ । नेपाल क्रिकेट संघ क्यान र नेपाली फिल्म ‘दिमाग खराब’ बीच सहकार्य हुने भएको छ । यससम्बन्धी सम्झौतामा हस्ताक्षर भएको छ ।
नेपाली फिल्म ‘दिमाग खराब’ले सोमबारदेखि सुरु हुने टी-२० विश्वकप क्रिकेटको एसियाली छनोटमा ‘म्यान अफ द म्याच’ हुने खेलाडीलाई ५० हजार रुपैयाँ नगद पुरस्कार दिने सम्झौतामा उल्लेख गरिएको छ।
यस्तै नगद १० हजार ‘दिमाग खराब’ सेगमेन्ट अफ द डे हुने खेलाडीलाई प्रदान गरिने छ ।
यसैगरि क्यानलाई नेपाली चलचित्र ‘दिमाग खराब’ले कमाएको नाफाको ५ प्रतिशत रकम उपलब्ध गराउने समेत सम्झौतामा उल्लेख गरिएको छ। फिल्मका निर्माता रौनकविक्रम कडेलले नेपाली खेलाडीलाई हौसला र क्रिकेटको विकासका लागि आफूले यो कदम उठाएको बताएका छन ।
- न्युज बहार संवाददाता
