जेठ २७, काठमाडौँ । नेपाली तरकारी बजारमा बजारमा गोलभेँडाको मूल्य बढेको छ।
कालीमाटी
फलफूल तथा तरकारी बजार विकास समितिको तथ्यांक अनुसार
अहिले बजारमा
गोलभेँडा ठूलो भारतीय, भारतीय
सानो, लोकल सानो, तराई सानो र टनेल गरी पाँच
प्रकारको आउने गरेको छ।
आज मंगलबार
कालीमाटी बजारमा नेपाली ठूलो गोलभेँडा प्रतिकिलो थोक मूल्य न्यूनतम एक सय
रूपैयाँदेखि अधिकतम एक सय दश रूपैयाँ र भारतीय ठूलो गोलभेँडा प्रतिकिलो थोक मूल्य
न्यूनतम ७० रूपैयाँदेखि अधिकतम ८० रूपैयाँमा कारोबार भइरहेको छ।
साना गोलभेँडा दैनिक रूपमा खानामा र ठूलो गोलभेँडा होटल तथा
रेष्टुरेन्टमा सलादमा प्रयोग हुन्छ।
एक साताअघि कालीमाटी बजारमा नेपाली ठूलो गोलभेँडा प्रतिकिलो थोक
मूल्य न्यूनतम ६० देखि अधिकतम ७० रूपैयाँ र भारतीय ठूलो गोलभेँडा प्रतिकिलो थाक
मूल्य न्यूनतम ५५ रूपैयाँदेखि अधिकतम ६५ रूपैयाँमा कारोबार भइरहेको छ।
- न्युज बहार संवाददाता
