पुस १७, स्याङ्जा । यसवर्ष एक अर्ब १२
करोडभन्दा बढीको सुन्तला स्याङ्जा जिल्लाबाट बिक्री भएको छ । यस वर्ष स्याङ्जामा एक
अर्ब १२ करोड ४७ लाख १५ हजार दुई सय रुपैयाँ स्याङ्जा जिल्लाको सुन्तला सुपरजोन
क्षेत्रमा उत्पादन भएका सुन्तला बिक्रीबाट भित्रिएको हो ।
स्याङ्जामा
यस वर्ष २० हजार ८४ दशमलव दुई मेट्रिक टन सुन्तला उत्पादन भएको प्रधानमन्त्री कृषि
आधुनिकीकरण परियोजना कार्यान्वयन एकाइ सुन्तला सुपरजोनका सूचना अधिकारी प्रतिभा
बुढाथोकी क्षेत्रीले जानाकारी गराउनु भएको छ । उनका अनुसार उत्पादितमध्ये ९० प्रतिशत सुन्तला बिक्री भएको हो । थोक मूल्यमा प्रतिकेजी
रु ५६ का दरले सुन्लता बिक्री भएको छ ।
- न्युज बहार संवाददाता
