भदौ ३०, बागलुङ । नेपालको बागलुङ जिल्लामा उत्पादित अकबरे खुर्सानी विदेश निर्यात हुन थालेको छ। बागलुङ जिल्ला काठेखोला गाउँपालिका वडा नम्बर ८ लेखानीका किसानले लगाएको एक क्विन्टलभन्दा बढी अकबरे खुर्सानी दुबई निर्यात गरिएको हो ।
एक
क्विन्टलभन्दा बढी अकबरे खुर्सानी गत वैशाखदेखि हालसम्म विदेश निर्यात भइसकेको छ।
तत्कालीन कृषि कार्यालय बागलुङले विसं २०७० मा वडा
नम्बर ८ लेखानीका
किसान लालकुमारी
पुनको गाउँमै पुगेर कृषि व्यवसाय प्रवर्द्धन तालिमको आयोजना गरेको थियो।
त्यही
तालिम नै उनको जीवनमा कोसेढुङ्गा सावित हुन पुग्यो । कृषि कार्यालय बागलुङका
तत्कालीन प्रमुख विनोद हमालले उक्त तालिममा सहभागी भएका ६९ जनालाई एक/एक प्याकेट
अकबरे खुर्सानीको बीउ दिएका थिए ।
सोही समयपछी
लालकुमारीको दैनिकी फेरियो ।
लालकुमारीले यतिबेला त्यही एक प्याकेट खुर्सानीको बीउबाट फैलाउँदै
र बढाउँदै पाँच रोपनी जग्गामा व्यावसायिक खुर्सानीखेती गरेकी छन्।
विसं २०७२ बाट व्यावसायिक खेती सुरु गरेकी
लालकुमारीको बारीमा अहिले बर्सेनि २० क्विन्टलभन्दा बढी खुर्सानी उत्पादन हुने गरेको
छ ।
पहिले पहिले बागलुङ बजारमा लालकुमारीको खुर्सानी बिक्री हुने
गरेकोमा, विस्तारै
जिल्ला बाहिर पनि बिक्री सुरु भयो र विसं २०७९ देखि व्यावसायिक रुपमै उत्पादन भएको
खुर्सानी दुबई पठाउन थालिएको हो ।
पहिले पहिले खुर्सानी फलाएर पाकेर रातो भएपछि मात्रै बिक्री गर्ने हुने
गरेको थियो भने अहिले हरियो हुँदै बिक्री हुने गरेको छ।
लालकुमारीका
अनुसार प्रतिकेजी तीन सय रुपैयाँ र प्रतिमाना एक सय रुपैयाँका दरले अकबरे खुर्सानी
गाउँबाटै बिक्री हुने गरेको छ भने खुर्सानीमात्र बेचेर वार्षिक तीन लाखभन्दा बढी
आम्दानी हुने गर्दछ ।
- न्युज बहार संवाददाता
