फागुन १५, काठमाडौँ । साताको तेस्रो कारोबार दिन मंगलबार नेप्से परिसूचक बढेर बन्द भएको छ।

यस दिन नेप्से परिसूचक ९.३४ अंक(०.४६ प्रतिशत) ले बढेर २००१.६४ विन्दुमा पुगेको छ।

यस दिन नेप्से बढेपनि कारोबार रकम भने भने कमजोर देखिएको छ । यस दिन ३०८ स्टकको ४० हजार ८६८ पटकको कारोबारमा १ अर्ब ८६ करोड ७४ लाख रुपैयाँ बराबरको ५२ लाख ३३ हजार कित्ता शेयर कारोबार भएको छ।

यस दिन दुई कम्पनीको शेयर सकारात्मक सर्किट लेभलमा कारोबार भएको छ। यस दिन बोटलर्स नेपाल (बलाजु) र बिपिडब्लु लघुवित्तको शेयर सकारात्मक सर्किट लेभलमा कारोबार भएको हो भने यस दिन चिरख्वा हाइड्रोपावरको शेयरमूल्य सर्वाधिक ५.०६ प्रतिशत घटेको हो ।

यस दिन कारोबार रकमका आधारमा सोनापुर मिनरल्स एण्ड आयल शीर्ष स्थानमा रहेको छ। उक्त कम्पनीको यस दिन १४ करोड १९ लाख रुपैयाँ बराबरको शेयर कारोबार भएको छ।

यस दिन १३ उपसमूहमध्ये ७ उपसमूहको परिसूचक बढेको छ भने ६ उपसमूहको परिसूचक घटेको छ। यस दिन सर्वाधिक ३.५२ प्रतिशतले उत्पादन तथा प्रशोधन उपसमूहको परिसूचक बढेको छ भने यस दिन वित्त, होटल तथा पर्यटन, लगानी, जीवन बीमा, म्युचुअल फण्ड र अन्य उपसमूहको परिसूचक घटेको छन ।

• न्युज बहार संवाददाता