फागुन
१३, काठमाडौँ । नेप्से परिसूचक साताको पहिलो कारोबार दिन आइतबार घटेर बन्द भएको छ ।
यस दिन पनि अघिल्लो साताको बिहीबारदेखि ओरालो लागेको नेप्सेले सोही क्रमलाई
निरन्तरता दिएको हो ।
आइतबार नेप्से परिसूचक २६.८१ अंक(१.३३ प्रतिशत) ले घटेर १९७९.०२ विन्दुमा बन्द भएको छ।
यस दिन नेप्सेसँगै कारोबार रकम पनि घटेको छ। यस दिन ३१७ स्टकको ७१ हजार ८८० पटकको कारोबारमा ३ अर्ब ८ करोड ६९ लाख रुपैयाँ बराबरको ८५ लाख ४६ हजार कित्ता शेयर कारोबार भएको हो ।
नेप्से घट्दा पनि आज बोटलर्स
नेपाल (बालाजु) को शेयर सकारात्मक सर्किट लेभलमा कारोबार भएको छ भने मोलुङ्ग
हाइड्रोपावर र समाज लघुवित्त वित्तीय संस्थाको शेयर भने नकारात्मक सर्किट लेभलमा
कारोबार भएको छ।
यस दिन कारोबार रकमका आधारमा सन नेपाल लाइफ इन्स्योरेन्स
भने शीर्ष स्थानमा रहेको छ। सो कम्पनीको यस दिन २५ करोड १८ लाख रुपैयाँ बराबरको
शेयर कारोबार भएको छ।
आज १३ उपसमूहमध्ये दुई उपसमूहको परिसूचक बढ्दा ११ उपसमूहको परिसूचक घटेको छ । यस दिन सर्वाधिक १.४० प्रतिशतले वित्त उपसमूहको परिसूचक बृद्धी भएको छ भने सर्वाधिक २.४२ प्रतिशतले कारोबारमा आएको जलविद्युत उपसमूहको परिसूचक घटेको छ ।
- न्युज बहार संवाददाता
