भदौं
२५, काठमाडौँ । आज मंगलबार नेप्से परिसूचक घटेर बन्द भएको छ। यस दिन नेप्से परिसूचक
१३.०९ अंक(०.४९ प्रतिशत)ले घटेर २६३२.९४ विन्दुमा बन्द भएको हो ।
आज नेप्सेसँगै कारोबार
रकम पनि घटेको छ। बजारमा यस दिन ३२८ स्टकको ९३ हजार ४५९ पटकको कारोबारमा ७ अर्ब २४
करोड ५५ लाख ६८ हजार रुपैयाँ बराबरको १ करोड ९० लाख ७७ हजार कित्ता शेयर
खरिदबिक्री भएको छ।
आज सर्वाधिक १० प्रतिशतले
मानुषी लघुवित्त वित्तीय संस्थाको शेयरमूल्य बढेको छ। कारोबारमा आएको सिद्धार्थ
इन्भेष्टमेन्ट ग्रोथ स्किम ३ को इकाईमूल्य सर्वाधिक ८.८२ प्रतिशतले घटेको छ।
यस
दिन कारोबार रकमका आधारमा एचआईडिसिएलको संस्थापक शेयर शीर्ष स्थानमा रहेको छ। उक्त
कम्पनीको यस दिन २९ करोड ८१ लाख रुपैयाँ बराबरको संस्थापक शेयर कारोबार भएको छ।
यस दिन कारोबारमा आएको १३ वटै उपसमूहको परिसूचक घटेको छ ।
यस दिन सर्वाधिक १.०५ प्रतिशतले वित्त र जलविद्युत उपसमूहको परिसूचक घटेको हो ।
- न्युज बहार संवाददाता
