असार ७, काठमाडौँ। लगातार तीन दिनको करेक्सन पछी साताको अन्तिम कारोबार दिन अर्थात आज बिहिबार सेयर बजार परिसुचक नेप्से बढेको छ।
आज बिहीबार नेप्से परिसूचक ४.७५ अंकले बढेको छ।
यस दिन नेप्से ०.२३ प्रतिशतले बढी २०५५.५३ बिन्दुमा पुगेर बन्द भएको छ।
यस दिन नेप्से परिसूचक बढेपनि कारोबार रकम भने अघिल्लो दिनको तुलनामा घटेको छ। यस दिन कारोबार रकम घटेर ३ अर्ब ४४ करोड ४८ लाख ६२ हजार ५०१ रुपैयाँमा पुगेको छ।
यस दिन २७६ वटा धितोपत्रको ८० लाख ८ हजार २४६ कित्ता सेयर किनबेच भएको हो।
आज कारोबारमा आएका १३ वटा समूहगत परिसूचकमध्ये होटल्स तथा पर्यटन, जीवन बीमा, निर्जीवन बीमा र अन्य समूहको परिसूचक बढेको छ भने बाँकी अन्य ९ समूहको परिसूचकमा गिरावट आएको छ।
- न्युज बहार संवाददाता
