असार ९,
काठमाडौँ । विभिन्न मौसममा पाइने फलफूलहरु स्वास्थ्यका लागि फाइदाजनक हुन्छ। यस्ता
फलफुलमा फाइबर, भिटामिन, खनिज र एन्टिअक्सिडेन्टहरू प्रशस्त
पाइन्छ जसले रोगप्रतिरोधी क्षमता बढाउँनुका साथै पाचन प्रणाली सुधार गर्न मद्दत
गर्छ।
अहिले
आँपको मौसम सुरु भएको छ। आज भोली बजारमा विभिन्न प्रजातिका आँप खरिद–विक्री भइरहेका छन्। आँपको मौसम
सुरु भएसँगै हामीहरु धेरैले आँप खान सुरु
गरिसकेका छौँ।
तर के
हामीले खाइरहेको आँप प्रकृतिक रुपमा पाकेको हो त? यसमा कुनै विषादीको प्रयोग
गरिएको छ कि? आँपको उपयोग गरिरहँदा यस्ता कुराहरुमा विशेष श्यान दिनुपर्ने हुन्छ।
त्यसैले हामीले याहाँ केही टिप्सहरु उपलब्ध गराएका छौँ, जसले आँप खानु वा किन्नु पुर्व
के गर्ने भन्ने बारेमा सहयोग गर्ने छ।
खुला ठाउँमा राखिएको आँप किन्नु उपयुक्त मानिन्छ, कार्टुनमा राखिएको आँपमा केमिकलको मात्रा बढि हुन सक्छ।
यदी प्रकृतिक रुपमा पाकेको आँप छान्न
चाहानु हुन्छ भने हल्का पहेलोँ र बाँकी भाग हरियो भएको आँप लिनु उपयुक्त हुन्छ।
आँप किन्दा अली काँचो काँचो आँप किन्नु
राम्रो मानिन्छ, जसलाई तपाईले घरमा लगेर आफैँ पकाएर खान सक्नु हुन्छ।
केमिकल हालिएको वा नहालिएको आँप चिन्नको
लागि त्यसको बास्नामा ध्यान दिनु पर्ने हुन्छ। केमिकल हालेर पकाइएको आँपमा त्यसको
बाँस्ना निकै कम वा शुन्य मात्रामा हुन्छ भने प्रकृतिक रुपमा पाकेको आँपमा मिठो
बाँस्ना महसुस गर्न सकिन्छ।
आँप किन्दा आँपको रंग राम्रो हेरेर
हुँदैन। राम्रो र आकर्षक देखिने प्राय आँपमा देखावटीको लागि कलर प्रयोग गरिएको
हुन्छ।
- न्युज बहार संवाददाता
