फागुन ९, काठमाडौँ । आज भोली हामी सबैको साझा समस्या हो तौल
व्यवस्थापन । तौल व्यवस्थापन गर्न नसक्नाले हामी विभिन्न शारिरिक समस्याहरुको
शिकार हुन थालेका छौँ । सानौँ उमेरमा लागेका रोगका कारण हामीले हाम्रो दैनिक
जिवनमा विभिन्न खालको समस्या भोग्दै
आइरहेका छौँ । यी विभिन्न खालका शारिरीक समस्याको मुख्य कारण हो हाम्रो खानान र
दैनिकी । हामीले दैनिक खाने खाना र दैनिक गर्ने क्रियाकलापले हाम्रो शारिरीक
सन्तुलनमा मुख्य भुमिका नर्वाह गरेको हुन्छ । स्वस्थ दैनिकीमा सन्तुलित आहार, नियमित शारीरिक
गतिविधि र स्वस्थ जीवनशैली समावेश हुन्छन् । स्वस्थ जीवनशैलीका लागी तौल
व्यवस्थापन एकदमै महत्वपुर्ण पक्ष हो ।
तर हामीले के बुझ्न जरुरी छ भने हामीले खाने खानामा कुनै त्यस्तो
जादुई खाना छैन जसले आफैँमा वजन नियन्त्रणको ग्यारेन्टी दिन सक्छ । हामीले आहारमा
केहि खानाहरू समावेश गर्न सक्छौँ जसले हाम्रो शरिरको तौल व्यवस्थापनमा लाभदायक भुमिका
खेल्न सक्छ। यहाँ केहि प्रकारका खानाहरूको
बारेमा चर्चा गरिएको छ जसले वजन व्यवस्थापनमा मद्दत गर्न सक्छ ।
१.
फलफूल र तरकारीहरू : फलफूल तथा तरकारीहरूमा क्यालोरीहरूमा
कम र फाइबरमा उच्च हुन्छन । उच्च फाइबरकाकारण
तपाईंलाई अतिरिक्त क्यालोरीहरू उपभोग नगरी पूर्ण र सन्तुष्ट महसुस हुन्छ भने
तिनीहरूले आवश्यक भिटामिन र खनिजहरू पनि प्रदान गर्छन्।
२.
होल ग्रेन : अधिक फाइबर युक्त खाना जस्तै ब्राउन
राइस, क्विनवा र ओट्सले हाम्रो वजन व्यवस्थापनमा मद्धत गर्छन ।
३.
प्रोटिन : प्रोटिनका स्रोतहरू जस्तै कुखुरा, माछा, टोफू, सिमीलाई आफ्नो
आहारमा समावेश गर्नाले मांसपेशीको मासलाई कायम राख्न मद्दत गर्छ ।
४.
पानी : हाइड्रेटेड रहनु समग्र स्वास्थ्यको लागि
महत्त्वपूर्ण छ । समय समयमा पानि पिउनाले भोक नियन्त्रण गर्न मद्दत गर्न सक्छ।
५.
चिनीयुक्त खानेकुरा र पेय पदार्थको सेवन कम :
चिनीयुक्त खाजा, सोडा र मिठाईको सेवन कम गर्नाले शरिरमा बोसो बढ्न रोक गर्छ ।
६.
नियमित शारीरिक गतिविधि : खानासँगै नियमित
व्यायाम तौल व्यवस्थापनको एक महत्वपूर्ण भाग हो। व्यायामले क्यालोरीहरू खर्च, गर्न र मांसपेशी निर्माण
गर्न र समग्र स्वास्थ्य सुधार गर्न मद्दत गर्छ।
- सृजना प्याकुरेल
