असार २०, चितवन । चितवन जिल्लाको को भरतपुरमा रहेको वीपी कोइराला मेमोरियल क्यान्सर अस्पतालका कर्मचारीहरु आन्दोलनमा उत्रीएका छन।
आज बुधबार कर्मचारीले तीन महिनादेखिको तलब खान नपाएको भन्दै केहीबेर प्रशासन घेराउ समेत गरेका छन् ।
अस्पतालमा कार्यरत कर्मचारीले वैशाखदेखि नै तलब खान नपाएको बताएका छन् ।
अस्पतालमा कार्यकारी निर्देशक नियुक्ति नहुनाले अस्पताल भित्र विभिन्न समस्या देखिएको छ । एकातिर कर्मचारीले तलब नपाएको गुनासो छ त अर्को तिर फार्मेसीमा औषधिको अभाव हुन थालेको छ ।
गत वैशाखमा कार्यकारी निर्देशक डा. देजकुमार गौतमको कार्यकाल सकिएपछि वीपी कोइराला मेमोरियल क्यान्सर अस्पतालमा नयाँ कार्यकारी निर्देशक नियुक्ति हुनसकेको छैन ।
- न्युज बहार संवाददाता
