माघ २७, रुपन्देही
। स्वास्थ्य सेवामा पहुँच ल्याउन र सेवा
प्रवाहलाई थप गतिशील बनाउनको तिलोत्तमा वडा नम्बर–५ का क्रियाशील महिला स्वास्थ्य
स्वयंसेविकालाई साइकल वितरण गरिएको छ । कार्यक्रमका प्रमुख अतिथि समेत रहनुभएका
नगरप्रमुख रामकृष्ण खाण, वडा–५ का अध्यक्ष रमेश डुम्रे
लगायतले तिलोत्तमा वडा–५ का ९
जना स्वास्थ्य स्वयंसेविकालाई करिब दुई लाखको लागतमा साइकल वितरण गरेका हुन् ।
नगर
प्रमुख खाणका अनुसार महिला स्वास्थ्य स्वयंसेविकाले स्वास्थ्य क्षेत्रमा अहोरात्र
योगदान गर्दै आएको र अझ थप स्वास्थ्य क्षेत्रमा सेवा गर्न सहज होस् भन्ने
उद्देश्यले साइकल वितरण गरिएको हो
उनले कोरोना
महामारी र नियमित खोप अभियानमा पनि स्वास्थ्य स्वयंसेविकाको भूमिका उल्लेखनीय
रहेको भन्दै नगरलाई स्वास्थ्य क्षेत्रमा अब्बल बनाउन र बाल तथा मातृ मृत्युदर कम
गर्न यस्ता कार्यक्रमले सघाउने बताएका छन ।
- न्युज बहार संवाददाता
