बैशाख १३, काठमाडौँ । पछिल्लो २४ घण्टामा देशभर ८२ जनामा कोरोनाभाइरसको सङ्क्रमण पुष्टी भएको छ भने कोरोनाकै कारण थप एक जनाको मृत्यु भएको छ ।
यो सँगै कोभिड–१९ को सङ्क्रमणबाट ज्यान गुमाउनेको कुल सङ्ख्या १२ हजार २८ पुगेको स्वास्थ्य तथा जनसङ्ख्या मन्त्रालयले जनाएको छ।
आज १ हजार ६३४ जनाको नमुना परीक्षण गर्दा पीसीआर विधिबाट ३७ तथा एन्टीजेन विधिबाट ४५ जनामा सङ्क्रमण पुष्टि भएको हो भने यही अवधिमा थप ६५ जना कोरोना सङ्क्रमणमुक्त बनेका छन् ।
अहिले देशभर सक्रिय सङ्क्रमितको सङ्ख्या ३ सय ६१ रहेको छ।
- न्युज बहार संवाददाता
