भदौ २९, मकवानपुर । आकस्मिक बाहेकका सबै सेवाहरू हेटौँडाका सम्पूर्ण स्वास्थ्य संस्थाले बन्द गरेका छन् । हेटौँडाका सरकारी तथा निजी स्वास्थ्य संस्थाले चिकित्सक कुटपिटको विरोधमा आकस्मिक बाहेकका सबै सेवा बन्द गरेका हुन ।
हेटौँडा अस्पतालका मेडिकल सुपरिटेन्डेन्ट डा रामचन्द्र सापकोटाले उपचार सेवा प्रवाह गर्न सक्ने अवस्था नरहेको भन्दै हेटौँडाका चिकित्सकहरूले अस्पताल तथा निजी क्लिनिकहरूको आकस्मिक बाहेक सबै सेवा बन्द गएको जानकारी दिएका छन ।
सापकोटाले हेटौँडा अस्पतालको फार्मेसी र आकस्मिक सेवा सञ्चालनमा रहेको र बिरामी भर्ना, ओपिडी, ल्याब लगायतका सेवा बन्द रहेको जानकारी दिएका छन । उनले असुरक्षित महसुस गर्दै चिकित्सकहरूले काम गर्न नसक्ने बताएपछि सेवा प्रवाह बन्द भएको बताएका छन ।
त्यसैगरी हेटौँडा अस्पतालका ७८ चिकित्सकहरूले सामूहिक राजीनामा पत्र तयार गरेका छन् । कुटपिटमा संलग्नलाई कारबाही माग गर्दै हेटौँडा अस्पतालका ७८ चिकित्सकले सामूहिक राजीनामा पत्रमा हस्ताक्षर गरी मेसु सापकोटालाई बुझाएका हुन् ।
- न्युज बहार संवाददाता
