साउन ४, रोल्पा । रोल्पा जिल्लाको त्रिवेणी गाउँपालिकाले छोरी जन्मने बित्तिकै बैंक खातामा रु पाँच हजार जम्मा गरिदिने भएको छ ।
यस कार्यक्रम सञ्चालनका लागि नीति, कार्यक्रम र बजेट आर्थिक वर्ष २०८०/८१ को गाउँसभाले पारित गरेको हो।
गाउँपालिकाका उपाध्यक्ष लेखमणि डाँगीले यही साउन १ गतेदेखि लागू हुने गरी सो कार्यक्रम ल्याइएको जानकारी दिए ।
उनले यही साउन १ गतेपछि गाउँपालिकाभित्र जन्मने हरेक छोरीलाई उम्दा बनाउन उक्त कार्यक्रम ल्याइएको बताएका छन।
उक्त रकम बैंकमा खाता खोली सिधै खातामा जम्मा गरिने र २० वर्षसम्म झिक्न नपाइने व्यवस्था गरिने छ।
- न्युज बहार संवाददाता
