साउन २१, काठमाडौँ । युक्रेनको रक्त सन्चार केन्द्रमा रुसले आक्रमण गरेको छ । शनिबार राति खार्किब क्षेत्रमा रहेको रक्तसञ्चार केन्द्रमा रुसले बम आक्रमण गरेको युक्रेनका राष्ट्रपति भ्लोदोमिर जेलेन्स्कीले जानकारी दिएका छन ।
राष्ट्रपति जेलेन्स्कीले सार्वजनिक गरेको फोटोमा आक्रमणपछि रक्त सन्चार केन्द्रमा आगो लागेको देखिएको छ भने उक्त आक्रमणमा परी केही व्यक्तिको मृत्यु भएको र केही घाइते भएको पनि उल्लेख गरेका छन् ।
हाल रुसले पूर्वी सीमा क्षेत्रमा सैनिकहरुलाई केन्द्रित गरेर आक्रमण गर्दै आएरहेको छ ।
यसैगरी शनिबार नै रुसको तेल बोकेको एक पानी जहाजमा युक्रेनले आक्रमण गरेको छ । युक्रेनले ड्रोनमार्फत् ब्ल्याक सीमा रहेको पानी जहाजमा आक्रमण गरेको रुसी अधिकारीहरुले बताएका छन् ।
सो पानी जहाजमा ११ जना सवार भएको र उनीहरु सकुशल रहेको तथा पानी जहाजको इन्जिनमा क्षति पुगेको सीएनएनले उल्लेख गरेको छ ।
- न्युज बहार संवाददाता
