फागुन २४, बंगलादेश। आज बंगलादेशको शहर ढाकामा एउटा शक्तीशाली बिस्फोट भएको छ। ढाकामा रहेको एक व्यावसायिक भवनमा भएको शक्तिशाली विस्फोटमा परी मृत्यु हुनेको संख्या १५ पुगेको छ भने एक सयभन्दा बढी घाइते व्यक्तीहरुको उपचार भइरहेको छ भने धेरै घाइतेहरुको सघन उपचार कक्षमा राखेर उपचार भइरेको जानकारी प्राप्त भएको छ।

विस्फोट भएको स्थानमा कम्तीमा पनि ११ वटा दमकल परिचालन भएका छन् । विस्फोट पुरानो ढाकाको सिद्दिकी बजार क्षेत्रमा एउटा साततले र अर्को पाँचतले दुईवटा भवनमा भएको थियो। बिस्फोटले दुईवटै भवन पुर्ण रुपमा क्षति भएको त्याहाँका सुरक्षा अधिकारीहरूले बताएका छन् ।

पहिले विष्फोट साततला भएको भवनमा भएको थियो र  त्यसपछी उक्त शत्तिशाली विस्फोटबाट नजिकैको भवनमा रहेको बैंकमा पनि क्षति भएको छ भने सडकको छेउमा रहेको यात्रुवाहक बसमा पनि क्षति हुन पुगेको छ। विस्फोटको कारण भने अहिले सम्म खुल्न सकेको छैन।

• न्युज बहार संवाददाता