साउन २५, काठमाडौँ । सामाजिक सञ्जाल फेसबुकमार्फत् अमेरिकी राष्ट्रपति जो बाइडनलाई धम्की दिँदै आएका एक व्यक्तिलाई एफबीआईको टोलीले गोली हानेर मारेको छ ।
अमेरिकाको गुप्तचर निकाय एफबीआईको टोलीले बाइडेन युटाह राज्यको भ्रमणमा जानुभन्दा केही घण्टा अगाडि क्रेग रोबर्टसन नामका व्यक्तिलाई युटाहस्थित उनकै घरमा गोली हानेर मारेको हो ।
उनीमाथि साल्ट लेक सिटीको दक्षिणमा पर्ने प्रोवो भन्ने स्थानमा रोबर्टसनकै घरमा गोली प्रहार भएको एफबीआईले उल्लेख गरेको छ।
बीबीसीले एफबीआईको टोली उनलाई पक्रन गएको बेला गोली चलेको जनाएको छ । यस घटनाबारे अन्य थप विवरणहरु सार्वजनिक भएको छैन ।
- न्युज बहार संवाददाता
