असार २६, काठमाडौँ। सोलुखुम्बुबाट काठमाडौं आउँदै गर्दा मंगलबार बिहान सम्पर्कविहीन भएको मनाङ एयरको हेलिकप्टर दुर्घटनामा परेको छ।
सोलुखुम्बुको लुक्लास्थित सुर्केबाट काठमाडौँको लागी उडेको हेलिकप्टर सोलु दुधकुण्ड नगरपालिका–२ र लिखुपिके गाउँपालिकाको सिमानामा पर्ने लम्जुरा डाँडामा दुर्घटनाग्रस्त भएको छ ।
सोलु दुधकुण्ड नगरपालिका वडा नम्बर २ का वडा अध्यक्ष ङवाङ ठिले शेर्पाले दुर्घटना भएको पुष्टी गरेका छन भने अन्य जानकारी आउन बाँकी रहेको छ ।
वडा अध्यक्ष भने ‘हेलिकप्टर क्षतविक्षत भएको जानकारी आएको छ, अहिले वडामा रहेको प्रहरी टोली घटनास्थलमा पुग्दैछन।’
हेलिकप्टर काठमाडौँको लागि उडेको केही मिनेटमा नै सम्पर्क विहीन भएको थियो । उक्त दुर्घटना भएको हेलिकप्टरमा क्याप्टेनसहित ६ जना सवार रहेको जनाइएको छ।
- न्युज बहार संवाददाता
