फागुन २८, म्याग्दी ।  म्याग्दी जिल्लाको टोड्के लगायत पहाडी स्थान यतिबेला गुराँस फुलेर रङ्गिएको छ । प्रकृतिक रुपमा गुराँस फुलेर सिँगारिएका पहाडी क्षेत्रको जङ्गलहरु अहिले हेर्नका लागि आकर्षक गन्तव्य समेत बनेको छ ।  म्याग्दीको बेनी नगरपालिका र मङ्गला तथा रघुगङ्गा गाउँपालिका अवस्थित टोड्केको उचाइ समुद्री सतहदेखि दुई हजार तीन सय मिटर रहेको छ जाहाँ यतिबेला गुराँसले जङ्गलहरु रँगिएका छन । 

टोड्केका स्थानियका अनुसार गुराँस फुल्ने सिजन सुरु भएपछी अहिले म्याग्दीका साथै छिमेकी जिल्ला र देशका विभिन्न ठाउँबाट पर्यटक आउन थालेका छन । स्थानियका अनुसार पाखामा ढकमक्क गुराँस फुलेर रङ्गिएपछि बिदा मनाउन टोड्के आउनेको भिड बढेको छ।  

टोड्केको दायाँ र बायाँ रहेको जङ्गलमा ढकमक्क लालीगुराँस फुलेर जङ्गल झपक्क छोपेको जस्तो दृश्यल मनमोहक बनेको छ । गुराँसले ढाकेको वनमा चराको आवाज सुनेर डुल्दा रमाइलो र तनावमुक्त महसुस गर्न सकिन्छ । टोड्केलगायतका स्थानमा गाडा रातो र रातो रङको गुराँस पाइन्छ ।

• न्युज बहार संवाददाता