असार १७, ताप्लेजुङ । ताप्लेजुङ जिल्लामा सञ्चालन हुँदै आएको
एकमात्र हवाई सेवा सुकेटार विमानस्थलमा हवाई उडान ठप्प भएको करिब दुई साता भएको छ।
बिगतको चार
महिना लामो बन्दपछि चैतको अन्तिम साताबाट पुनः सञ्चालनमा आएको नेपाल वायु सेवा
निगमको हवाई सेवा जेठ ३० गतेयता एकपटक पनि सञ्चालन हुन सकेको छैन।
बर्खायाम
सुरू भएसँगै कुहिरो र कम भिजिबिलिटीका कारण असारयता चार उडान प्रभावित भएको निगमका
ताप्लेजुङ स्टेसन इञ्चार्ज नारायणकुमार कार्कीले जनाएका छन।
काठमाडौँ–ताप्लेजुङ प्रत्येक सोमबार र
शुक्रबार नियमित हुने उडान निरन्तर रद्द हुन थालेपछि यात्रुहरू मर्कामा परेका छन्।
कार्कीका
अनुसार मौसम प्रतिकूल भएकाले जहाजले अवतरण गर्नसक्ने अवस्था नरहेको र भिजिबिलिटी
न्यून भएकाले सुरक्षाको दृष्टिकोणले उडान रोकिनुपरेको हो।
- न्युज बहार संवाददाता
