चैत २१, गण्डकी
। ३० हजार एक सय ९९ विदेशी पर्यटकले एक महिनाको अबधीमा अन्नपूर्ण क्षेत्रको
भ्रमण गरेका छन् । दक्षिण एसियाली मुलुकका १४ हजार छ सय ६८ र अन्य देशका १५ हजार
पाँच सय ३१ जना पर्यटकले गत मार्चमा सो क्षेत्रको भ्रमण गरेको अन्नपूर्ण संरक्षण
क्षेत्र आयोजना (एक्याप)ले जनाएको छ ।
एक्यापका
प्रमुख डा रविन कडरियाले अन्नपूर्ण चक्रीय पदमार्ग विश्वभरका पदयात्री पर्यटकको
रोजाइमा रहेकाले चिसो याम समाप्त भएसँगै पर्यटक आगमन बाक्लिएको बताएका छन । डा
कडरियाका
अनुसार वैशाखको
अन्त्यसम्ममा यस क्षेत्रमा भित्रने पर्यटकको सङ्ख्या अझ बढ्नेछ
भने असोज–कात्तिक र चैत–वैशाख पदयात्रा पर्यटनका लागि
उत्तम मानिन्छ ।
उनी यी
दुवै याममा अन्नपूर्ण क्षेत्रको पदयात्राका लागि आन्तरिक तथा बाह्य पर्यटकको
घुइँचो लाग्ने बताउँछन ।
- न्युज बहार संवाददाता
