चैत १८, काठमाडौँ । बर्षासँगै आएको हावाहुरीले ढालेको रुखले
च्यापिएर एकजनाको मृत्यु भएको छ । पाल्पामा शनिबार साझ परेको अविरल बर्षा
तथा हावाहुरीको कारण रुख ढल्दा सडकमा गुडिरहेको एउटा स्कुटर च्यापिन पुग्यो ।
तानसेन न.पा. ८ जरेपिपल स्थित सिद्धार्थ राजमार्गमा लु ८१ प ११३६
नम्बरको स्कुटरमाथि रूख ढल्दा स्कुटर चालक तानसेन नगरपालिका २ बडिज्ञानटोल
बस्ने वर्ष २० को प्रथम शाही र स्कुटर पछाडि सवार तानसेन ५ कैलाशनगर बस्ने बर्ष १९
को भुवन दर्लामी घाइते भएको जिल्ला प्रहरी कार्यालय पाल्पाले जनाएको छ ।
घाइतेमध्ये एक भुवन दर्लामीको उपचारको क्रममा मृत्यु भएको प्रहरीले जानकारी दिएको हो ।
- न्युज बहार संवाददाता
