फागुन
२५, काठमाडौँ। आज सर्वोच्च अदालतले प्रधानमन्त्री पुष्पकमल दाहाल 'प्रचण्ड' लाई पक्राउ गरिपाऊँ भन्दै परेको रिट हेर्न नभ्याउने भएको जानकारी
दिएको छ।
गएको मंगलबार
अधिवक्ता ज्ञानेन्द्रराज आरणसहित १४ जना सहित चिरञ्जिवीवास गिरीले दायर गरेका प्रधानमन्त्री
पुष्पकमल दाहाल 'प्रचण्ड' बिरुद्ध छुट्टाछुट्टै रिट दायर गराएका
थिए।
ती सबै रिट न्यायाधीश विश्वम्भर
श्रेष्ठको एकल इजलासमा परेको जानकारी प्राप्त भएको थियो। उक्त इजलासले हेर्न
नभ्याउने जनाएको आज सर्वोच्चको वेबसाइटमा उल्लेख छ।
अधिवक्ता आरण र कल्याण बुढाथोकिले द्वन्द्वकालीन मुद्दालाई लिएर प्रधानमन्त्री प्रचण्डलाई पक्राउ गरी आवश्यक कारबाही गर्न आदेश माग गर्दै रिट दिएका हुन।
- न्युज बहार संवाददाता
